ملتقى الشلة

إجتماعي ، ترفيهي ثقافي ، منوع
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 عرس عربجي على عربجيه مثله

اذهب الى الأسفل 
كاتب الموضوعرسالة
بقايا حلم
مشرفة
avatar

عدد المساهمات : 239
تاريخ التسجيل : 29/06/2010

مُساهمةموضوع: عرس عربجي على عربجيه مثله   الأحد نوفمبر 28, 2010 1:04 am

عرس عربجي على عربجيه مثله _ لايفوتكم



بسم الله الرحمن الرحيم



اليوم بقول لكم عرس اخونا العربجي دحييم >>>دلع عبد الرحمن


المواصفات


الاسم / دحيم الدلخ


العمر / منولد في سنة الطفره


الشكل / قزم ورشيق واقرع و وجهه كله خدود والعيون منفقلة


باختصار يحوم الكبد


الولد دحيم داشر 24 سااعه مشاكل وتفحيط وخرابيط و هجوله


المهم ابوه قرر انه يزوجه يمكن يعقل الولد !!!!


ويقوم يخطب له ابوه بنت عمه حصه !!!


عاد حصه خبله مثله


المهم يوم جاء العرس ولا دحيم طالع مع اخوياه للثمامه يطعسون


وابوه يدق عليه


الاب: الووو دحيم وينك؟


دحيم : هلا والله طالع مع الشباب لثمامه


الاب: جعل تطلع روحك بلا تعال اليوم عرسك



دحيم : طيب العرس في اليل يمديني ارجع المغرب


الاب: اقول امش جعلي امشي العصى على ظهرك


دحيم : طيب خلاص جاي


ويقفل التلفون


المهم ويجي دحيم ويلبسونه الخبل ناوي يروح بقميص نوم وطاقيه


المهم ويمسكونه اخوانه ويلبسونه ويودونه للقصر


>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت


ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)


ويلقطه اخوه ويجلسه على الكرسي


ويجونه الناس يسلمون


المعازيم : مبرووك منك المال ومنها العيال


دحيم : هلا ايه طيب يكون خير والله ما عندي ولا ريال


( قايل لكم ذا مهو وجه واحد بيتزوج )


المهم ويدخلونه على الحريم


يوم دخل


وهو الي يفتح كشرته ابتسامه عريضه
ويناظر في ذا البنيات


المهم يوم طقو الطقاقات الا وهو يطمر ويرقص سامري


ويسحبه ابوه ويقول اركد لا تفشلنا!!!!


المهم ويجلسه على الكرسي


وتجي وحده ترقص عنده وهو الي يضحك عليها ويقول: اوووووه ما تعرفين ترقصين يا الدبه



وانواع الاستهبال المشكله الي ترقص امه مسيكينه تبي تفرح به ما درت انه ما يستاهل


المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟


الا وابوه يصفقه على جبهته


دحيم : طيب خلاص انطم


المهم يوم خلصوا وهو ياخذ العروس ويركبون السياره


المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟


ملينا من ذا الطقاقات ازعجوني


الا وهو ينبسط على حرمته خبله مثله


المهم وتقول له


حصيصه : دحيم ابسالك سؤال؟


!!! دحيم: اسالي


حصيصه : انت الحين تعرف تفحط ؟؟؟


دحيم : اكيد انا احسن واحد يفحط >>> مسوي فنان عندها وهو ما عنده ما عند جدتي


حصيصه : والله ورني ابي اشوفك تفحط


دحيم : توهق


دحيم : خليها بعدين موب اليوم >>> يبي يصرف الاخ


حصيصه : افا شكلك ما تعرف هههههههههههاي >>>كشفتك


دحيم : اوريك من الي ما يعرف


وهو الي يلف هذيك الفه وطراااااخ في عمود الليت على طول


والحين حصيصه ودحيم في المستشفى

>>>>بعد التفحيطااات






ان شاء الله تهنيتوا بالعرس ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عرس عربجي على عربجيه مثله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى الشلة :: ملتقى الشلة :: وسع صدرك-
انتقل الى: